Era Direcció General d’Agents Rurals dera Generalitat de Catalonha a distinguit era Unitat Canina des Agents de Miei Ambient deth Conselh Generau d’Aran, representada ena figura der agent Joan Rodriguez, pera sua inestimabla collaboracion en trabalh hèt en contèxte dera operacion entà eradicar era epidèmia dera pèsta porquia africana.

Aguest reconeishement institucionau se liurèc diuendres passat, en acte de celebracion deth Dia des Agents Rurals de Catalunya, celebrat en Palau Firal de Congressos de Tarragona.

Eth Govèrn d’Aran vò transméter eth sòn arregraïment pera implicacion, eth compromís e era professionalitat des Agents d’Aran, e peth sòn trabalh en favor dera proteccion deth territòri.


HÒNT: CONSELH GENERAU D'ARAN