ACTUALITAT
Er esquí de montanha arribe entà Aran dera man deth Club d'Esquí Val d'Aran
Damb er objectiu de poder formar a esportistes a un naut nivèu e que poguen arribar a competir internacionaument, ath delà de gaudir d'aguest espòrt
Eth Club d’Esquí Val d’Aran a impulsat ua naua iniciatiua laguens des sues seccions esportives de cara ad aguesta sason 2026-2027.
Se tracte dera creacion enes sues estructures esportives der esquí de montanha, un espòrt qu’ena Val d’Aran non compde damb ua grana tradicion, mès que fòrça persones le practiquen coma aficion e que de cada viatge genère mès atraccion pr’amor dera sua combinacion damb espòrts coma eth trail running en ostiu.
Pr’amor d’açò, eth CEVA vò iniciar aguest nau camin entà potenciar a joeni en aguest espòrt entà que poguen arribar a competir ath maximon nivèu.
Eth Club d’Esquí Val d’Aran compde damb 62 ans d’istòria mès seguís trabalhant temporada a temporada en tot cercar naui rèptes que poguen ajudar ath creishement esportiu dera mainadèra aranesa.
