D’ençà der Ajuntament de Vielha e Mijaran apostam per ua Vielha respectuosa damb eth medi naturau, que suenhe des sòns espacis publics, en tot auer fòrça espacis verdi.


En aguest sens, compdam damb un contracte annau entà milhorar era ornamentacion deth pòble e, enguan, auem includit era Plaça Còto Março e era Avenguda Garona.


Damb aguestes actuacions aumentam es zònes d’ombra, sustot pensat entàs sasons de mès calor e, refortilham era idèa d’ua Vielha mès verda, en tot entorejar era via publica d’elements naturaus, coma son es arbes.


HÒNT: AJUNTAMENT DE VIELHA E MIJARAN