Er Ajuntament de Les present ena XIVau Trobada Internacionau de Fallaires en tot acompanhar ara Associacion de Halhes De Les , que s'a celebrat aué en Alins, coincidint damb eth Dia Internacionau deth Patrimòni Culturau Immateriau dera UNESCO.

Un dia a on balham valor as tradicions que mos identifiquen e mos connecten damb es nòstes arraitz.

Ena trobada s'a amiat a tèrme era amassada damb es sòcis halhaires de Catalunya, dera qué er Ajuntament ne forme part, entà contunhar trabalhant e auançant en aqueri ahèrs que .... era celebracion des hèstes deth huec.

Es hèstes deth huec son fòrça mès que huec e ua tradicion: son identitat, memòria collectiva e un legat que se transmet de generacion en generacion.

Er Ajuntament de Les reafirme eth sòn compromís damb era conservacion e era difusion d’aguest patrimòni viu, que mos hè a sénter orgulhosi de qui èm e d’a on venem.

Mantier viues es tradicions ei mantier viua era nòsta istòria! Reivindiquem e preservem ua des manifestacions mès emblematiques deth nòste patrimòni culturau.


HÒNT: AJUNTAMENT DE LES