ACTUALITAT
Er Ajuntament de Les participe enes jornades dera Associació de Viles Termals de Catalunya, celebrades en municipi de Pont de Bar
Er Ajuntament de Les participe enes jornades dera Associació de Viles Termals de Catalunya, celebrades en municipi de Pont de Bar, a on auem auut era oportunitat de visitar diuèrsi pòbles coma Bar e Toloriu, e conéisher es actius termaus deth territòri en tot descorbir ua realitat termau diferenta dera nòsta, dera quau tanben auem podut apréner e compartir experiéncies.
Ues jornades que mos an permetut hèr comunitat, bescambiar coneishements e contunhar creant sinergies damb d’auti municipis que compartissen damb Les caracteristiques e potencialitats comunes, coma es aigües termaus e es sòns actius.
En aguest encastre auem celebrat era amassada mensuau dera Associacion, ena quau s’a aprovat eth pressupòst 2027 e s’an definit es pròplèu accions a desvolopar, atau coma s’a hèt eth seguiment des projèctes e actuacions coma es Viles Termals coma producte dera Agéncia Catalana de Torisme.
Èster part dera Associacion de Viles Termaus ei tanben ua manèra de méter Les en mapa, balhar visibilitat as nòsti recorsi e méter en valor aquerò que mos hè singulars. Ua oportunitat entà promocionar eth nòste pòble e dar a conéisher eth sòn potenciau en tot trabalhar amassa damb d’auti municipis entà potenciar e difóner eth patrimòni termau.
Contunham trabalhant, compartint experiéncies e creant collaboracions coma era recenta incorporacion ena associacion de Escaldes Engordany entà projectar Les e toti es sòns actius a nivèu nacionau e internacionau.
HÒNT: AJUNTAMENT DE LES

