Ena sala de plens der Ajuntament de Les auem celebrat eth plen extraordinari en què s’a aprovat iniciaument eth pressupòst entà 2026 e s’a dat compde dera liquidacion dera anualitat 2025.


Entre es actuacions mès restacades d’aguest pressupòst iniciau ascendís aun totau de 1.5 milions €, se tròben es milhores ena zòna esportiua dera Cauarca, era finalizacion des òbres dera tor deth campanau e diuèrsi projèctes de milhora d’infraestructures e sistemes viaris.


Ath delà, se contemple era redaccion des projèctes PUOSC que s’executaràn en Les a compdar de 2027, damb quate iniciatiues centrades ena milhora de sistemes viaris, parcs, servicis e iluminacion, acuelhudi ad aguesta linha de subvencion.


En era session tanben s’a aprovat era execucion deth convèni damb era Associacion Amics deth Montlude entara celebracion dera pròva Montlude Skyrace, ua iniciatiua que permet dar a conéisher eth nòste entorn naturau e fomentar era practica esportiua enes nòstes montanhes.


Un projècte que represente un important actiu economic, esportiu e sociau entàth municipi.


HÒNT: AJUNTAMENT DE LES