Per dusau viatge ena istòria, ena Val d’Aran se hèc ua jornada de donacion mès sonque de plasma.

Aguesta situacion respon a que, es resèrves de sang son pro corrèctes, encara que tostemp en cau fòrça mès dera que se dòne aué dia, mès, segontes indique eth banc de sang qu’a era sedença plaçada en Barcelona e qu’ei de qui depen era associacion de donants de sang dera Val d’Aran, manque plasma en tot eth panorama nacionau e europèu.

Ei pr’amor d’açò que s’a hèt ua dusaua jornada especifica entà poder dar plasma. Segontes indique era associacion aranesa, es resultats an estat tanplan boni perqué s’an remassat un totau de 18 plasmes damb 2 aufriments. Cau tíer en compde, que coma maximom se podien auer hèt un totau de 22 extraccions.

Era pròplèu donacion de sang en Vielha serà eth 2 de deseme a on dejà tornarà a èster sang e plasma e serà era darrèra der an a on se treiràn es conclusions entà decidir quin estil a de seguir eth calendari de donacions..