Aguest dimenge aurà lòc era tradicionau Corsa d’Aran per sa lengua ena sua 32au edicion per tota era Val d’Aran.

Era corsa d’Aran per sa lengua ei un recorregut per diuèrsi entorns dera Val d’Aran, damb concretament 3 punts de gessuda que son Montgarri, Les e eth Pòrt de Vielha, entà persutar ena defensa e promocion dera lengua aranesa.

Coma ei d’abituda, totes es persones que vien d’aguesti emplaçaments, van remassant a d’auti vesins enquia arribar ath cap-lòc d’Aran, en Vielha, entà iniciar era darrèra fasa dera jornada. Era trobada des claus, eth discors de Lengua Viua e er autrejament deth prèmi a on de cada viatge pren mès importància mantier viu er aranés. Era reivindicacion ei clara: cau parlar mès aranés a nivèu sociau.

Fin finau e coma dejà ei d’abituda, er acte se barrarà damb eth tradicionau concèrt deth grop occitan Nadau, que harà a gaudir a toti es assistents d’aguest massiu eveniment pera lengua aranesa.

Aguest ei er acte culturau mès important der an ena Val d’Aran.