D’ençà d’Aran Salut volem commemorar aué eth Dia Mondiau dera Parada Cardiaca, damb er objectiu de conscienciar sus era importància dera reanimacion cardiopaumonar (RCP) e dera rapida intervencion en cas d’ua parada cardiaca.

En aguest sens, era darrèra setmana es professionaus deth Servici d’Urgéncies d’Aran Salut participèren en cors de Supòrt Vitau Auançat (SVA), ua formacion essenciau que se hè cada 3 ans entà assegurar era actualizacion de coneishements e abilitats segontes es darrères guides de reanimacion.


Eth cors, impartit per instructors acreditats e nautaments qualificats, refòrce es competéncies que son de besonh entà aufrir ua atencion eficaça, coordinada e segura en situacions critiques.
Era formacion continua ei era basa dera milhora dera qualitat assistenciau e dera seguretat deth pacient, pilars deth nòste compromís damb era excelléncia en urgéncies e emergéncies.


HÒNT: ARAN SALUT