Era Val d’Aran celèbre eth Dia Internacionau des Resèrves dera Biosfèra coma territòri reconeishut pera UNESCO en 2024, ua distincion que met en valor eth nòste patrimòni naturau, culturau e lingüistic, e tanben eth compromís damb era sostenibilitat e era preservacion dera nòsta identitat.

Aguest reconeishement represente tanben ua oportunitat entà consolidar un modèl de desvolopament territoriau que compatibilize era conservacion dera biodiversitat damb era activitat economica, eth benèster dera populacion e era preservacion des valors que definissen era Val d’Aran.

Eth Conselh Generau d’Aran reafirme eth sòn compromís damb era Resèrva dera Biosfèra coma projècte estrategic de territòri, fondamentat ena participacion, era sostenibilitat e era responsabilitat compartida, damb er objectiu de garantir un futur equilibrat e sostenible entàs generacions presentes e futures.


HÒNT: CONSELH GENERAU D'ARAN