Eth joen talent aranés, Mari Boya, a estat aumenatjat en sòn pòble, en Les, pr’amor dera sua cuèrta, mès exitosa trajectòria esportiva. Damb sonque 21 ans, aguest pilòt d’automobilisme non a deishat de trincar eth sòn particular tet an darrèr an, perqué aué dia, dejà se trape en circuit dera Formula 2, eth darrèr pas abans d’arribar ara Formula 1.

Ena sedença consistoriau, a signat eth libre d’aunor dauant dera preséncia deth baile der Ajuntament de Les, Andreu Cortés e de d’auti còssos der ajuntament. En sòn escrit, Mari a arregraïr ad aguesta poblacion tot eth supòrt que l’a aufrit e que sajarie de retornar damb trabalh e esfòrç es majors succèssi que siguen possibles.

Eth pilòt aranés, a auut ua sensacion sason ena Formula 3, a on finalizèc ena tresaua posicion dera classificacion generau e forme part dera Aston Martin Driver Academy, escuderia ara que tanben apertie Fernando Alonso.

Ath delà, se reprodusic un video des milhors moments de Boya e se li hèc ua petita entrevista dauant de toti es sòns vesins ena sala d’actes de Les.