Eth collectiu Lengua Viua que ven d'inaugurar un totau de 4 naui panèus der itinerari literari “Es Peades de Mossen Jusèp Condò Sambeat”, damb eth que se preten aufrir un bocin dera poesia deth mès insigne escrivan aranés. 

En aguest cas, Canejan e Sant Joan de Toran sigueren es prumèrs emplaçaments escuelhudi, entà seguir dempús damb Salardú e Bagergue, dus de Naut Aran. Totes aguestes accions compdèren damb era preséncia des bailes d’aguesti endrets qu’an aufrir era collaboracion ath collectiu.

Eth projècte neishec en 2024 damb motiu deth 30au aniversari de Lengua Viua damb er objectiu de plaçar panèus damb un bocin dera òbra literària de Mossen Jusèp Condò Sambeat. Eth collectiu Lengua Viua vò mostrar era estima deth pòble aranés pera sua lengua, Se vò crear, ath temps, un itinerari literari que se pogue seguir, pòble a pòble, per part des escolans e visitaires deth país damb eth plaçament de còdis QR enes madeishi panèus en 5 lengües: aranés, castelhan, catalan, francés e anglés. 

Vielha siguec era poblacion qu’estreèc eth prumèr messatge de Mossen Jusèp Condò Sambeat e des d’alavetz s’an ahijut toti aguesti, amassa damb d’auti entorns coma Montgarri.