Eth Centre ADDA a complit 25 ans. Ua longa trajectòria qu’a supausat un abans e un dempús ena istòria dera atencion des persones damb discapacitat psiquica ena Val d’Aran e qu’a permetut a fòrça familhes deth territòri poder auer illusion per un futur milhor entàs sòns hilhs, familhars o amics.

Siguec precisament un grop de familhars es que prebotgèren era idèa de crear aguesta associacion entà que poguessen èster atengudi de forma especiau e poguen auer possibilitat d’adaptar-se ena societat. 25 ans mès tard, eth projècte ei mès que consolidat en territòri, damb un gran numerò d’usatgèrs e d’activitats e en tot demostrar qu’era inclusion ei de besonh en toti es airaus. 

Eth centre, damb sedença en Vielha, aufrís tot tipe d’activitats, des de fisiques, enquia cognitives o tanben artistiques. 

Era plantilha d’aguest centre a aumentat  gràcies ara collaboracion publica e privada, mès tostemp cau mès recorsi entà poder aufrir uns milhors suenhs as persones que formen part d’ADDA.