Eth Plen der Ajuntament de Vielha e Mijaran a aprovat iniciaument damb es vòts a favor dera equipa de govèrn d’Unitat d’Aran e es vòts en contra de Convergéncia Aranesa e d’Aran Amassa eth pressupòst municipau de 2026 valorat en més de 8.911.000 èuros.

Aguest pressupòst puge un 3,12% en relacion ath de 2025, e ac hè en tot aplicar ua regularizacion de bona part des impòsti e taxes municipaus en un 2%, en tot adaptar-les ar aument segontes er Indèx de Prètzi de Consum de 2025.

Des deth consistòri expliquen qu’ei eth prumèr viatge que se destinaràn mès de 420.000 èuros en inversions reaus, destinadi a maquinària, materiau e mobiliari. Totun, era oposicion non ve projèctes de futur ne sostenibles.

Eth baile a explicat qu’un viatge se barre er an non s’escarte hèr ua modificacion pressupostària entà includir naues partides que poguen beneficiar as vesins deth municipi.