Pr’amor der episòdi de fòrt vent patit ena Val d’Aran ath long d’aguesta net passada, s’an produsit ua grana quantitat d’incidents en tot eth territòri que condicionen es actuacions pendent eth dia d’aué.

Entre aguestes afectacions i son es pistes e camins de montanha qu’ena sua majoria an demorat fòrça maumetudes. Ei pr’amor d’açò que, deth Conselh Generau d’Aran, se recomane non accedir-i pendent es pròplèu dies.

Deuant aguesta situacion, eth Conselh Generau, a trauès dera sua brigada de servicis e des agents de Miei Ambient d’Aran trebalhe pendent tot eth maitin ena retirada d’arbes e neteja des zònes afectades entà poder restablir era accessibilitat. Atau madeish, des der airau de ramaderia s’a aufrit tanben eth supòrt a diuèrsi ramadèrs afectadi enes sues explotacions.

En aguest sens, des der airau de Pompièrs Emergéncies s’an amiat a tèrme nombroses actuacions pendent tota era net e maitin d’aué.

Atau madeish, des deth govèrn d’Aran s’a contactat damb es compañies telefoniques entà conéisher er estat dera cobertura telefonica en Baish Aran e trasladar eth mauestar dera maxima institucion d’Aran per un nau episòdi d’aguestes caracteristiques.

HÒNT: CONSELH GENERAU D'ARAN