Eth Conselh Generau d’Aran, a trauès des sòns servicis de salut (Aran Salut) , signèc en 2010 era aliança estrategica damb er Hospital del Mar de Barcelona.

Aguest acòrd a permés qu’era Val d’Aran compde damb servicis sanitaris de nauta especializacion, coma era oncologia, entre d’auti, e damb professionaus de prumèr nivèu que trabalhen amassa damb eth personal sanitari aranés.

Entà hestejar aguest 15au anniversari , aguest díuendres s’a organizat ua jornada de trabalh conjunta que, ath delà de compartir experiéncies e projèctes, a servit tanben entà reconéisher e arregraïr eth compromís der Hospital del Mar e de toti es professionaus, tant d’aguest centre coma d’Aran Salut , entà milhorar era qualitat des servicis e era atencion as pacients.


HÒNT: CONSELH GENERAU D'ARAN